No Image
No Image

Türk Şurasının turizm nazirlərinin görüşü keçiriləcək

Türk Şurasının turizm nazirlərinin görüşü keçiriləcək
Özbəkistanın Kokand şəhərində Türkdilli Dövlətlərin Əməkdaşlıq Şurasının (TDƏŞ) Turizm Nazirlərinin 6-cı iclası və turizm üzrə işçi qrupunun 15-ci iclası keçirilir.

Dövlət Turizm Agentliyindən Sfera.az-a bildirilib ki, tədbirdə çıxış edən agentliyin sədri Fuad Nağıyev türkdilli dövlətlərin ortaq tarix, dil, mədəniyyət və milli kimliyə malik olmasının onlar arasında iqtisadi münasibətlərin inkişaf etməsinə təkan olduğunu söyləyib.

Agentlik sədri qeyd edib ki, pandemiya səbəbindən ötən il dünya üçün, o cümlədən turizm sənayesi üçün ən çətin illərdən olsa da, Azərbaycan tarixinin ən şanlı illərindən biri olub.

Ali Baş Komandanın rəhbərliyi ilə Azərbaycan Ordusunun 30 illik işğala son qoymasının Azərbaycan və region üçün mühüm əhəmiyyət kəsb etdiyini vurğulayıb.

O, Qarabağın turizm əhəmiyyətli məkanlarının böyük bir hissəsinin işğalçılar tərəfindən dağıdıldığı, artıq həmin ərazilərdə quruculuq işlərinə başlanıldığı və işğaldan azad edilmiş ərazilərin böyük turizm potensialına malik olduğu haqqında məlumat verib. O əlavə edib ki, tezliklə Qarabağ yeni regional turizm destinasiyası kimi dünyaya təqdim olunacaq.

Tədbirdə iştirak edən üzv dövlətlərin turizm nazirləri Azərbaycanın beynəlxalq hüquqla tanınan ərazi bütövlüyünün bərpa olunması münasibətilə təbriklərini ifadə edərək Qarabağı regional turizm destinasiyası kimi inkişaf etdirmək fəaliyyəti üzrə uğurlar arzulayıblar.

Fuad Nağıyev təşkilatın "İpək Yolu Turizm Paytaxtları Təşəbbüsü” və "Müqəddəs Ziyarət” layihələrinin üzv dövlətlərin turizm əhəmiyyətli mədəni irsinin tanıdılmasında, əməkdaşlığın genişləndirilməsində, eləcə də üzv ölkələr arasında turist mübadiləsinin artmasında mühüm rol oynayacağına əminliyini ifadə edib.

Eləcə də türkdilli dövlətlərin paytaxtları və digər şəhərləri arasında birbaşa uçuşların turizmlə yanaşı, iqtisadi və ticari əlaqələrin də inkişafına töhfə verəcəyini deyib.

Fuad Nağıyev 2015-ci ildə turizm nazirlərinin 2-ci görüşünün Azərbaycanda keçirildiyini xatırladaraq Azərbaycanın bir çox beynəlxalq tədbirlərə uğurla ev sahibliyi etdiyini qeyd edib. O, Türk Şurasının turizm nazirlərinin növbəti 7-ci görüşünün Azərbaycanda keçirilməsi qərarından məmnunluq duyduğunu bildirərək iştirakçıları ölkəmizə dəvət edib.

İclas çərçivəsində Fuad Nağıyevlə digər üzv ölkələrin rəsmi nümayəndələri arasında bir sıra ikitərəfli görüşlər keçirilib.

Qeyd edək ki, tədbirdə turizmin bərpası tədbirləri, postpandemiya dövründə əməkdaşlıq, birgə layihələr və fəaliyyət istiqamətləri kimi məsələlər üzrə müzakirələr aparılır.

2009-cu ildə əsası qoyulan təşkilatın turizm nazirlərinin bu ilki görüşündə Türk Şurasının Baş katibi Bağdad Amreyev, Özbəkistanın Baş Nazirinin müavini, turizm və idman naziri Aziz Abduxakimov, Qırğızıstanın Baş nazirinin müavini, iqtisadiyyat və maliyyə naziri Akılbek Japarov, Türkiyənin mədəniyyət və turizm naziri Mehmet Nuri Ersoy, Qazaxıstanın mədəniyyət və idman naziri xanım Aktotı Raimkulova, eləcə də təşkilatda müşahidəçi statusa malik Macarıstanın Özbəkistandakı səfiri Peter Szanto çıxış ediblər.
Sehliyali
Turan Bank

OXŞAR XƏBƏRLƏR

Zelenski Baş Qərargah rəisini dəyişdi

Ukrayna Prezidenti Vladimir Zelenski ölkənin Silahlı Qüvvələrinin Baş Qərargah rəisi Sergey Korniyçuku vəzifəsindən azad edib. Sfera.az xarici KİV-ə istin...

Türkiyədə COVİD-19 qurbanlarının sayı artdı

Türkiyədə koronavirusa gündəlik yoluxma sayı açıqlanıb. Sfera.az "Anadolu" agentliyinə istinadən xəbər verir ki, qardaş ölkədə son 24 saat ərzində 22 min ...

Antalyada yanğın səbəbindən xəstəxana və evlər boşaldılır - FOTOLAR

Xəbər verdiyimiz kimi, Türkiyənin turizm mərkəzi Antalyanın Manavqat rayonunda güclü meşə yanğınları başlayıb. Sfera.az Türkiyə mediasına istinadən xəbər ...

Bakı və İrəvan arasındakı danışıqlara ümidvarıq - Zaxarova

Həm Azərbaycanla, həm də Ermənistanla yaxın münasibətləri olan Rusiya bu ölkələr arasındakı sərhədə, habelə sülhməramlı qüvvələrimizin yerləşdiyi Qarabağda olan...

Putin iclas keçirdi, sərhəddəki gərginlik müzakirə olundu

Rusiya Prezidenti Vladimir Putin Təhlükəsizlik Şurasının daimi üzvləri ilə operativ iclas keçirib. Sfera.az xəbər verir ki, bu barədə Rusiya Prezidentinin...

"Bu məsələdə mənə güvənməyin" – Makrondan nüvə açıqlaması

Fransa prezidenti Emmanuel Makron ölkəsinin 30 il ərzində 100 mindən çox insana təsir edən 193 nüvə sınağına görə Polineziyaya borclu olduğunu bildirsə də, buna...